其實「加港點」唔係一開始就打算做生意。

我哋只係一個住喺加拿大嘅香港家庭，平時去超市幫屋企補貨，慢慢發現加拿大有好多 天然、健康、成份簡單嘅零食同食品，喺香港未必容易買到。

有朋友嚟加拿大探我哋，見到屋企啲零食同水果蓉，就問：

「呢啲香港有冇得買？」

後來慢慢開始幫朋友寄幾箱返香港，再之後朋友又介紹朋友。

於是「加港點」就咁樣出現。

我哋做嘅其實好簡單：

喺加拿大超市入貨 → 自己入箱 → 直接寄返香港。

所有產品都係 我哋自己會食、會買俾小朋友同屋企人嘅食品。